Iloilo City: Trisikad driver, nasapwan nga nagabitay sa sulod sang ila balay; isa pa ka lalaki, nagtuyo manginmatay bangud sa problema sa paghigugma

By: Aine Grace Bravo

Patay na sang nasapwan ang trisikad driver nga ginpaghayag nag-suicide sa Brgy. Cuartero, Jaro kaina sang kaagahon.

Nagabitay sa balayan sang ila kusina si Jerson Fernandez sang nasapwan sang iya pakaisa. Antes sini, ginsaway man lang sang iya iloy si Fernandez bangud tuman ka gahud.  Ginpahayag nga hubog si Fernandez.

Samtang nagtuyo magpanginmatay ang 27-anyos nga lalaki sa Manduriao paagi sa pag-inum sang muriatic acid kahapon. Nagbura ang baba ni alyas  Erning kag padayon nga ginabulong sa Western Visayas Medical Center.

Ginpahayag nga nag-inum sang muriatic acid si alyas Erning matapos nga ginbayaan sang iya live-in partner.