By: Jocelyn Gelloagan-Maque

Ginabanta sa kapin P52,000 nga balor sang alahas ang nakuha sang mga ginapatihan miembro sang budol-budol gang sa 75-anyus nga retired teacher sa Barangay Bitoon Ilaya, Cuartero, Capiz.

Ginpahayag ni Inspector La-arnel Frial sang Cuartero PNP nga nakumbinser sang 40-anyus nga babaye ang biktima nga si Lamberta Carlete nga ipakita ang iya mga alahas sang ginpasalig nga baklon sang suspetsado.

Sang ginbutang sang biktima ang mga alahas sa bag, ginbayluhan ini sang suspect kag gindala palagyo.

Ang bag naga-unod sang 2 ka bracelets nga ginabanta nagabili sang P40,000; kulintas nga nagabili sang P45,000; aritos nga balor P24,000; singsing nga nagbili sang P5,000; 200 US dollars, 100 euros kag ATM nga may unod nga P28,000.

Nagpakilala pa ang suspect suno kay Frial nga classmate sang hinablos ni Clarete nga nagatrabaho sa abroad kabangdanan nga nagkompiyansa ang biktima.

 

Leave a Reply