By: Aine Grace Bravo

Indi mandatory ang pagpahamtang sang bulangan sa pito ka distrito sang syudad.

Gin-athag ni Councilor Lyndon Acap, chairman sang Committee on Games and Amusement sang City Council, nga maga-agi sa proseso ang distrito nga luyag mag-apply para sa pagbutang sang bulangan. Ang makapasar lang kag maka-kumpleto sang tanan nga requirements sa pagpatukod sang bulangan ang puwede makapa-bulang.

Ginpanindugan man ni Acap nga may legal siya nga basehan agud ipasar ang ordinansa base man sa opinion ni City Legal Officer Dan Dinopol nga nag-interpretar sang Cockfighting Law of 1974 ukon ang Presidential¬† Decree 1310 nga naga-amend sa PD 449. Nasaad sa laye nga isa lang ka bulangan ang dapat ibutang sa kada syudad ukon municipalidad. Apang sa pagpaathag suno sa iya ni Atty. Dinopol kalakip ang opinion letter halin kay DILG Undersecretary Austere Panadero, ginpahayag sini nga nagakaangay nga ipasar ang ordinansa bangud sang tinaga nga “administrative districts” kag indi munisipalidad.

Leave a Reply