Guimaras: Relasyon sang mga opisyal sa provincial government, naguba bangud sa isyu sa Guimaras-Iloilo Ferry Terminal suno kay Vice Gov. Vicente de Asis

By: Aine Grace Bravo

Naguba ang maayo nga relasyon sang mga opisyales sang Guimaras provincial government bangud sa isyu sa Guimaras-Iloilo Ferry Terminal (GIFT).

Pag-ako ini ni Vice Governor Vicente de Asis matapos ang gin-file nila nga civil case sang Integrated Bar of the Philippines (IBP) Guimaras Chapter batuk sa Iloilo City government kag Double Dragon Properties, Inc. Gin-athag ni de Asis nga sa umpisa pa lang sang isyu, nakahambal na siya kay Governor Samuel Gumarin nga may violations ang Double Dragon sa ginpatindog nga proyekto kag ginbalewala ang memorandum of agreement sadtu sa idalum sang Mmetro Iloilo-Guimaras Economic Development Council (MIGEDC).

Samtang ginatindugan ni de Asis ang Internal Rules sang Provincial Board may kaangtanan sa preparasyon sang agenda sa tiun sang session kasunod sang pagkuwestyun niya sa inug-deliver nga privilege speech ni Board Member John Edward Gando kahapon.  Suno kay de Asis, ginlapas ni Gando ang Rule 9 Section 2 kag Rule 10 Section 2 sang Internal Rules nga nagasaad nga dapat magpasa sang written copy sang speech ang sin-o man nga board member antes ang alas-12 sang udto sang Martes ukon isa ka adlaw antes ang session.

Gin-athag sang bise gobernador nga wala siya sang intensyon nga punggan ang pag-deliver sang speech ni Gando kundi ginapamilit niya lang nga sundon sini ang Internal Rules. Responsibilidad sini ni de Asis bilang presiding officer nga i-implementar ang Internal Rules bangud mangin subject sang interpellation ang amo nga speech. Indi man bastante suno sa bise gobernador nga nagpadala lang sang sulat si Gando sa iya opisina sang Martes nga nagapahibalo sang iya plano nga mag-deliver sang privilege speech.

About Post Author

aksyonradyoiloilo_ahuqdr

iloveshabu@gmail.com

https://www.aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %