By: Nemesio Martirez
Opisyal na nga nagseparar sa Western Visayas ang Negros Occidental matapos ginpirmahan ni Presidente Noynoy Aquino ang executive order number 183 nga nagtuklod sang Negros Islanrd Region ukon NIR. Separado naman ang Negros Oriental sa Central Visayas Region. Ang executive order ginpirmahan sang pangulo sang Mayo 29 antes ini nagpadulong sa Japan. Kasubong sang ginalauman, nagpabutyag sang kalipay si Negros Occidental Governor Alfredo Marañon jr sa tikang sang pangulo. Sa idalum sang EO 183, nasaad nga mgatukod sang negros island technical working group nga bug-usan sang Office of the President, Department of Budget and Management, National Economic Development Authority kag DILG lakip na ang mga tiglawas sang Negros Occidental kag Negros Oriental. Ang technical working group amo ang maga-formulate sang roadmap nga magaplastar sang mga arrangements para sa NIR sa 2015 tubtob 2016. Ini ang magarekomendar sang napili nga regional center, maga-arrange sang mga requirements para sa organizational development, staffing kag budgetting sang mga regional line kag regulatory agencies.