By: Aine Grace Bravo
Kumbinsido si Engr. Rodney Gustilo sang DPWH-Iloilo City District Engineering Office nga malab-ut nila ang 45% nga accomplisments sa mga infrastructure projects sa siyudad.
Ang amo nga percentage ang gintalana sang Department of Public Works and Highways para sa ICDEO sa second quarter sang tuig. Sa karon suno sa iya, 33% na infra-projects accomplishments sang ICDEO apang positibo siya nga malab-ut ang 45% sa pagtapos sang Hunyo.
Nakumpleto na suno sa iya ang road rehabilitation sa Pison Avenue, halos kumpleto naman ang road works sa Delgado, City Proper, 30% na ang natrabaho sa Timawa Avenue, 75% ang nakumpleto sa Rizal St. samtang 20% naman ang drainage works malapit sa UP. Sa Jaro, 20% na ang nakumpleto nga road works sa Balabago, 60% sa Benedicto kag 40% na ang natapos nga trabaho malapit sa CPU.