By: Aine Grace Bravo
Nag-withdraw sa kontrata sa city government para sa pag-implementar sang Clamping and Towing Ordinance ang tag-iya sang 3L Towing Services.
Sa sulat nga ginpadala sang tag-iya nga si Ms. Leny Garcia kay Mayor Jed Patrick Mabilog, nag-withdraw ini sa tuyo nga sundon ang legal nga proseso partikular ang bidding kag procurement process. Apang nagalaum si Gnga nga maka-serbisyo gihapon ang iya kompaniya sa city government.
Nagapati naman si Councilor Joshua Alim nga indi na interesado sa kontrata ang 3L Towing Services rason nga nag-withdraw. Gin-athag ni Alim nga magapabilin gihapon ang Clamping and Towing Ordinance bisan pa nga nag-withdraw ang kompaniya.
Una dire, ginpa-untat ni Mayor Mabilog ang kontrata bangud wala nag-agi sa competitive bidding ang 3L Towing Services.