By: Aine Grace Bravo
Pangunahan ni Presidente Benigno S. Aquino III ang flag raising ceremony sa Sta. Barbara, Iloilo bilang kabahin sang ika-117 nga Independence Day celebration.
Ini ang pinakauna nga tion nga gin-selebrar sang pangulo ang Adlaw sang Kahilwayan sa guwa sang Luzon. Ginpahayag ni Aquino nga ang pagselebrar sang Independence Day sa Iloilo nagapakita sang contribution sang mga Ilonggo agud batuan ang Spanish colonizers kag maangkon ang kahilwayan.
Bangud sa kahiwatan, ipatuman ang traffic rerouting sa pila ka dalanon sa Sta. Barbara agud mangin matawhay ang selebrasyon. Suno kay Sta. Barbara Mayor Dennis Superficial, temporaryo nga siraduhan ang dalanon sa palibot sang hiwatan sang event kag istrikto nga ipatuman ang ‘No Car Pass, No Entry’ policy.
Pagkatapos sang flag raising ceremony, magadiretso sa Casa Real de Iloilo ang pangulo agud pangunahan naman ang vin d’honneur nga pagatambungan sang mga cabinet secretaries, ambassadors, mga senador, mga gobernador, alkalde kag pila ka mga negosyante.