By: Jocelyn Gelloagan-Maque

Nag-abot na si Presidente Noynoy Aquino sa Iloilo. Alas-11:24 kaina sang aga sang naghugpa sa Iloilo Airport ang presidential plane.

Gilayon nga ginpadulungan ni Aquino ang pila ka proyekto sa syudad kag probinsya.

Ginpangunahan sini ang pag-unveil sang marker sang President Corazon Aquino Avenue sa Barangay Ungka, Pavia.

Nagpadulong man ini sa Dungon Bridge IV kag naglabay sa Iloilo Convention Center antes nagpanihaga sa Breakthrough Restaurant sa Villa Arevalo.

Nagkadto man ang pangulo sa Muelle Loney Bridge nga naga-angut sang Muelle Loney Street sa Barangay Progreso, Lapuz.

Kaina sang hapon, si Pnoy man ang nagpanguna sa pag-unveil sang marker sang Casa Real De Iloilo ukon ang daan nga Provincial Capitol nga ginsundan sang programa sa Provincial Capitol lobby.

Sa iya nga mensahe, ginpabutyag ni Aquino ang kaayuhan nga mahatag sa kabuhi kag palangabuhian sang mga Filipino.

Ginpalabtikan man sini ang mga kritiko nga amo ang nagapugong sa mga proyekto sang gobierno para sa mga pumuluyo.

Leave a Reply