By: Aine Grace Bravo

Ginapreparar na sang Iloilo City Police Office (ICPO) ang mga dokumento agud mapasakaan sang kaso ang retirado nga pulis nga nakuhaan sang duha ka pusil sa entrapment operation sa East Timawa, Molo kahapon.

Suno kay ICPO Spokesman Supt. Gilbert Gorero, posible nga i-file nila ang kaso subong nga adlaw batuk kay PO3 Danilo Endico sang Brgy. Caluy-ahan, Lambunao. Ginpahayag ni Gorero nga madugay na nga involved sa gun running activity ukon pagbaligya sang mga armas si Endico rason nga nag-conduct sang operasyon.

Nakuha kay Endico ang 45-caliber pistol, KG-9 Machine Pistol, mga live ammunitions kag ang 40 mil pesos nga kuwarta nga gingamit sa operasyon. Gina-imbestigaran man sang ICPO ang mga ginahimo nga transaksyon ni Endico nga yara sa iya cellphone.

Leave a Reply