By: Aine Grace Bravo

Nagtakup na ang deadline sang city DILG para sa mga barangay agud magpasa sang re-entry action plan sa Lakbay Aral sang mga barangay officials sa syudad sa Vigan kag Olongapo City sang Mayo.

13 pa ka mga barangay suno kay city DILG Officer Atty. Ferdinand Panes ang wala nakahingagaw pasa sang REAP kag 91% lang sa 180 ka barangay ang nakasumiter. Igasumiter ni Panes sa Commission on Audit (COA), sa Liga office kag kay Mayor Jed Patrick Mabilog ang report kalakip ang listahan sang mga barangay nga wala nakapasa sang REAP.

Sa pito ka distrito suno kay Atty. Panes, ang Mandurriao kag Jaro lang ang 100% nga naka-comply sang REAP. Kalakip sa mga wala nakasumiter ang Tanza-Baybay, Legaspi-dela Rama, Rizal Pala-Pala 1, Gloria, President Roxas, Rizal Estanzuela, Wilson-Jalandoni sa City Proper; Magsaysay Village kag Bantud sa Lapaz; East Baluarte, Avanceña kag Salvacion Habog-Habog sa Molo; kag Sto. Niño Norte sa Arevalo.

Leave a Reply