By: Aine Grace Bravo
Gintawag ni Councilor Plaridel Nava nga palpak kag istupido ang pagbutang sang traffic lights sa atubang sang Casa Real de Iloilo.
Indi nagakaangay suno sa konsehal nga butangan sang traffic lights ang lugar bangud malapit ang antad sa rotunda kag sa traffic lights sa taytay pakadtu sa Lapuz. Nagadugang suno kay Nava ang pagpugok sang trapiko bangud sala man ang pagbutang sang traffic lights patabok sa taytay. Ginpahayag sang konsehal nga bisan ang DPWH ang nagahambal nga nagaka-stress ang taytay kon mag-stop ang traffic lights bangud diri nagagutok ang mga salakyan ilabe na ang mga trucks.
Ginpabutyag ni Nava nga makapila ka beses na niya ginpanugyanan si Mayor Jed Patrick Mabilog nga mag-conduct sang feasibility study antes magbutang sang traffic lights.