Aklan: Ginabanta sa 100 ka mga Pamalay, Naabo sa Sunog sa Station 3 sa Isla sang Boracay!

By: Jocelyn Gelloagan-Maque

Ginahibalo sang Bureau of Fire Protection ang kahalitan sang sunog sa Boracay Island nga nagsugod  pasado alas 2 kaina sang hapon.

Gin-report ni Alan Palma, Station Manager sang YES FM-Boracay nga nagsugod ang kalayo sa boarding house sa Station 3 Boracay.

Ginpahayag nga wala gilayon ma-cut-off ang supply sang elektrisidad kabangdanan nga naglapta ang kalayo sa Sitio Ambulong, Barangay Manok-Manok nga nagresulta sa pagkasunog sang ginabanta sa 100 ka mga balay kag mga balaligyaan sa Talipapa Bukid.

Lunsay human sa light materials ang mga balay kabangdanan nga madasig nga gintupok sang kalayo.

Wala na naglaton ang kalayo sa mga tourist destinations bangud sang firewall nga nakapalibot sa mga hotel kag resort.