By: Jocelyn Gelloagan-Maque

Away sa duta ang isa sa mga ginasunod nga motibo sang Lemery Police sa pagtiro sa magpakaisa kaina sang aga sa diin isa ang napatay.

Suno kay Senior Inspector Herman Celis, hepe sang Lemery PNP, ginkilala ang napatay kay Zaldy Cerbo, 57 sang Barangay Agpipili, nga may pilas sa ulo.

Padayon naman nga ginabulong sa ospital ang iya paka-isa nga si JV Cerbo, 28 nga may pilas sa tuo nga parte sang lawas.

Nagapauli ang mga ini sakay sa motorsiklo sang gin-ipingan sang tatlo ka suspek nga nagasakay man sa motorsiklo kag gintiro. Nakapalagyo ang mga suspek.

Ginpahayag nga may kaso sa duta nga ginadalahigan ang biktima duha ka tuig na ang nakaligad.

Leave a Reply