By: Aine Grace Bravo

Ginakabig ni PDEA Undersecretary Arturo Cacdac nga best practice sa bug-os nga pungsod ang kampanya sa illegal nga druga sang syudad kag probinsya sang Iloilo.

Bangud ini sa epektibo nga pagpamuno sang mga local officials kag masabat ang panawagan ni DILG Secretary Mar Roxas nga tapna-on ang mga illegal drug activities. Ginkalipay ni Cacdac ang madinalag-on nga supply reduction effort sa illegal drugs kag ang nagapadayon nga drug-clearing operations sa Iloilo. Nagpanawagan man ini sa iban nga mga punong barangay sa syudad kag probinsya nga mag-upod sa kampanya para sa kaayuhan sang mga pumuluyo.

Magluwas sa pagpasidungog kanday Governor Arthur Defensor kag Mayor Jed Patrick Mabilog sa mabaskog nga kampanya kontra sa illegal nga druga, ginpasalamatan kag ginpasidunggan man ni Cacdac ang Aksyon Radyo Iloilo sa bulig sang estasyon sa programa sang ahensya. Si Usec Cacdac ang nangin dinapit nga manughambal sa awarding ceremony kag 13th anniversary celebration sang PDEA 6 kahapon.

Leave a Reply