By: Aine Grace Bravo

Desidido ang mga nabiktima ni Charmaine Morata alyas Patricia de los Reyes nga pasakaan ini sang kaso bangud sang gin-alegar nga pagpanunto sa ila.

Kalabanan sa mga nabiktima ni Morata ang nakuhaan sini sang salakyan kag computer units nga ginhatagan lang niya sang down payment kag wala na ginbalikan ang nabilin nga balayran. Sa kabug-usan naglab-ut sa minilyon ang ginpahayag nga naganar ni Morata sa mga biktima nga amat-amat na nagguwa kag nagtingub agud magreklamo.

Suno isa sa mga biktima nga si Ely Navarro, gusto niya gid nga mahatagan sang leksyon si Morata nga iya gintawag halit sa mga taga-Iloilo. Tubtob subong, nagalibog pa ang ulo ni Navarro kun paano mabalik sa iya ang salakyan nga nabaligya na ni Morata sa iban.

Nagdangup naman sa National Bureau of Investigation ang mga biktima kag nagalaum nga ma-aksyunan ang ila reklamo.

Leave a Reply