By: Aine Grace Bravo

Ginbanatan ni Councilor Plaridel Nava ang pagbutang sang mga traffic lights sa pila ka intersections sa iya privilege speech sa City Council kahapon sang aga.

Ginpa-athag ni Nava ang papel sang traffic lights nga magcontrol sang dalagan sang trapiko kag pedestrians agud ma-improve ang safety kag access sa dalanon sang syudad. Apang sa na-obserbahan sini, baliskad ang epekto sang ginpang-install nga traffic lights. Suno sa konsehal, maathag suno sa iya nga wala sang feasibility study ukon survey kag mga konsultasyon nga ginhimo antes ginpangbugsok ang mga traffic lights.

Ginduso ni Nava ang inquiry agud mahibaluan kon pila ang gingasto sang syudad para sa mga traffic lights apang wala ini gin-aprubahan. Sa baylo, ginduso ni Councilor Joshua Alim ang dayalugo sa concerned nga mga personnel agud ma-athagan sa isyu.

Leave a Reply