By: Aine Grace Bravo

Ginkalipay ni Councilor Plaridel Nava ang pahayag ni Mayor Jed Patrick Mabilog nga ginahatagan sini sang kahilwayan ang mga miembro sang City Council nga magpabutyag sang ila tagsa ka opinyon sa publiko.

Konsolasyon para sa konsehal ang pinakaulihi nga Facebook post sang alkalde nga nagapati ini sa iya pagka-fiscalizer kag pagka-independent sa ila grupo. Nagapakita lang ini suno kay Nava nga ginabaton sang alkalde ang mga kritisismo nga ginahaboy sa iya administrasyon kag nagakahulugan man nga indi rubber stamp ang mga miembro sang konseho.

Nagdesisyun naman si Nava nga indi na mag-reply sa Facebook post ni Mayor Mabilog bangud napabutyag na niya ang tanan niya nga sentimiento sa isyu. Indi nagakaangay suno sa iya nga sabton pa ang alkalde nga nagahinyo na sang paghangup kag pagpakig-abyan sa iya. Apang gin-ako ni Nava nga indi na mabalik ang daan nila nga relasyon ni Mabilog bisan may rekonsilasyon nga matabu.

Leave a Reply