Oton: Mga suspect nga Naghimulos kag Nagpatay sa 57-anyos nga Ginang, Ginpasakaan na sang Kaso!

By: Jocelyn Gelloagan-Maque

Napasakaan na sang kaso ang mga suspect nga naghimulos kag nagpatay sa 57-anyos nga babaye sa Sta. Rita, Oton.

Suno kay Superintendent Ruby Gumban, Hepe sang Oton PNP, Duha ang na-identify sa mga suspect kag isa ka John Doe ang ginkasuhan sang Rape with Homicide.

Ginkasuhan ang mga suspect matapos gintudlo sang 9 ka mga testigo nga yara sa lugar sang natabu ang insidente.

Naga-edad ang mga suspect sang 40-anyos pataas nga nagpabutyag nga indi kuntani ang 57-anyos nga ginang ang ila target nga himuslan kundi ang maanyag nga babaye nga ila ginabantayan nga mag-agi apang ang biktima ang una nga naglabay rason nga ila nasal-an.