By: Aine Grace Bravo

Magabantay anay sa gate sa Iloilo City Police Office (ICPO) ang tatlo ka mga pulis nga ginkasuhan sang child abuse matapos ginkuha sa papuwersa nga pamaagi ang 16-anyos nga dalagita kag ginpasibangdan nga nagkawat sang pusil.

Suno kay Deputy City Director for Operations kag ICPO Spokesman Supt. Gilbert Gorero, maga-report sanday PO3 Alexis Jutis, PO2 Dinaree Sia kag PO2 Melbert NiƱo lunsay assign sa City Anti-Illegal Drugs Special Operations Task Force (CAIDSOT) sa Headquarters Service samtang nagahulat sang mandu halin sa Police Regional Office 6 director para sa proper disposition sa ila. Gilayon nag-proseso sang ila surety bond ang tatlo ka mga police matapos nahibaluan nga gindagdagan sila sang warrant of arrest.

Ini suno kay Gorero para masiguro nga indi nila ma-impluwensiyahan ukon maggamit ang ila otoridad para mag-isol sa kaso ang pamilya sang dalagita.

Leave a Reply