By: Aine Grace Bravo

Ginpasiguro ni Engr.  Rodney Gustilo sang Iloilo City District Engineering Office nga ginatinguhaan sang DPWH nga masolbar ang mga pagbaha sa syudad.

Nag-proponer suno sa iya sang budget ang ahensya subong nga tuig agud i-address ang mga priority areas nga nagataas ang tubig kon mabaskog ang pag-ulan. Ginpahayag ni Gustilo nga gina-implementar na subong nila ang mga drainage projects.

Kalakip sa mga priority areas nga gina-obra sang DPWH kag Iloilo City District Engineering Office ang Rizal Street, City Proper tubtub sa Mapa Street. Natalana man nga obrahon ang drainage system sa Delgado Street nga maga-konekta sa gina-obra nga drainage sa dalan General Luna malapit sa UP.

Ginpahayag ni Gustilo nga ginasiguro man nila nga may yara sang drainage outfall ang mga gina-obra nga drainage nga naga-ula pakadtu sa suba ukon sa dagat.

Leave a Reply