By: Jocelyn Gelloagan-Maque

Ginbuksan na ang sub-office sang Iloilo Electric Cooperative (ILECO-1) sa Oton matapos ginsiraduhan sang nagligad nga semana.

Ginpanugyanan ni ILECO-1 General Manager Wilfred Billena ang mga konsumidor nga mahimo na maka-transaksyon sa sub-office sa Oton kag indi na magkadtu sa ILECO-1 Main Office sa Tigbauan.

Ginkuha ang barbed wire sa atubang sang opisina suno kay Billena base man sa mandu sang korte.

Ginsiraduhan ang ILECO-1 sub-office sang Hunyo 22 tubtub Hunyo 26 bangud ginbalabagan sang mga naga-rally nga mga punong barangay kag konsumidor ang mga empleyado nga makasulod sa opisina.

Ginhiwat ang rally sa pagpanguna ni Poblacion West, Oton punong barangay Salvador Carreon batuk sa pagpatuman sang bill guarantee deposit.

 

Leave a Reply