By: Aine Grace Bravo

Ginpahamtang bilang bag-o nga general manager sang Metro Iloilo Water District (MIWD) ang anay general manager nga si Moises Molen.

Suno kay MIWD Chairman of the Board Dr. Teodoro Robles, nag-aprubar sila sang resolution nga nagapahamtang kay Molen bilang general manager umpisa subong nga adlaw. Ginbasehan sang board sa pagpili 80-anyos nga si Molen ang madugay sini nga experyensya sa MIWD.

Ginpahayag ni Robles nga sa pito ka mga nag-apply kag gin-nominate para sa amo nga posisyon, mas ginpaboran sang MIWD board si Molen bangud sang maayo sini nga track record. Ginkonsiderar man suno sa iya sang board sanday Mrs. Marjo Castro kag Engr. Edgar Calasara apang wala sa mga ini ang interesado nga mangin general manager.

Wala nag-apply si Calasara bangud malapit na lang ini nga magretiro samtang si Castro naman ang mas interesado nga uyatan ang finance department sang water district. Gin-athag ni Robles nga isa ka tuig nga magapangalagad sa MIWD si Molen kag palawigon lang kon makita nga maayo ang iya performance.

Leave a Reply