By: Jocelyn Gelloagan-Maque

Ginmandu ni Iloilo City Police Office (ICPO) Officer-in-Charge (OIC) Khashmir Disomangcop ang police visibility sa kabarangayan ilabe na sa tion sang kagab-ihon.

Ang mandu ni Disomangcop kasunod sang madata nga pagkinawatay sa mga barangay subong nga bulan.

Nagapakita sa record sang ICPO nga 40 tubtub 50 ka kaso sang pagpangawat kada semana subong nga bulan ang mas mataas ipaanggid san g Abril kag Mayo subong man nga tuig.

Ginapangabay ni Disomangcop ang kooperasyon sang mga barangay officials kag mga pumuluyo nga mangin mabinantayon agud malikawan ang pagtaas sang kaso sang pagkinawatay sa syudad.

Ginpabutyag ni Disomangcop nga mataas ang crime against property kon mag-abot ang Hunyo kag Hulyo bangud panahon ini sang tigkiliwi kag tingulan kon sa diin nagapamintaha ang mga kawatan.

Leave a Reply