By: Jocelyn Gelloagan-Maque

Gin-ako sang Philippine Drug Enforcement Agency (PDEA) nga nabudlayan sila sa pagdakop sang mga drug personalities sa syudad.

Suno kay PDEA 6 Director Paul Ledesma, indi nila madakop ang drug personalities bangud wala ini naga-uyat sang illegal drugs kag may ginasugo lang nga magbaligya.

Isa nga ginatumod ni Ledesma amo si Rolando Torpio alyas Apa kon sa diin makatatlo na ka beses nga ginguba ang iya drug den sa South San Jose Molo apang nagapadayon gihapon sa pagbaligya sang illegal drugs.

Apang ginpasalig ni Ledesma nga dakpon si alyas Apa kon may warrant of arrest na sila halin sa korte.

Duha na ka kaso ang ginpasaka batuk kay alyas Apa bangud sa pagbaligya sang illegal nga druga.

Leave a Reply