By: Aine Grace Bravo

Ginaklipay sang kapulisan sa bug-os nga pungsod ilabe na sa Rehiyon 6 ang announcement nga mahimo na nila makuha ang ila productivity enhancement incentive (PEI).

Base ini sa ginpirmahan nga Executive Order 181 ni Presidente Noynoy Aquino sang Mayo nga nagahatag sang PEI sa mga empleyado sang gobyerno. Suno kay Supt. Maricel Barros sang Finance Department sa PRO-6, yara sa high morale ang mga police sa rehiyon matapos gin-anunsyar nga pwede na makuha ang PEI.

Ginpahayag sini nga bisan ang mga retirado nga pulis ang nalipay man sa announcement sa pagsiling nga madugay na nila ginahulat ang ila PEI. Gin-athag ni Barros nga nakuha na sang iban nga pulis ang ila PEI paagi sa ATM samtang ang mga nag-retire na ang nakabaton sang tseke.

Ginpasalig sang kapulisan nga bayluhan sang maayo nga serbisyo kag dedikasyon sa trabaho ang ila nabaton nga incentive.

Leave a Reply