By: Jocelyn Gelloagan-Maque
Patay ang magbayaw sang nag-duelo sa Barangay Ca-irohan, Bingawan kagab-i.
Ginkilala ang mga napatay kanday Julie Castor, 37-anyos kag iya bayaw nga si Rodolfo Cagonda sang amo man nga barangay.
Suno kay Inspector Eugene Swegay sang Bingawan PNP, naakig si Castor sang ginsukot ni Cagonda sang utang nga P500.
Ginlabo ni Castor si Cagonda apang nakabalos si Cagonda paagi sa pagtiro kag napatay sang gindala sa Calinog District Hospital.
Narecover sang mga police sa lugar sang insidente ang 38-caliber revolver, tatlo ka empty shells kag mga bala nga wala pa nakalupok.
Ginpahayag nga bag-o lang nakabaton sang Emergency Shelter Assistance (ESA) halin sa Department of Social Welfare and Development (DSWD) 6 ang magbayaw.