Iloilo City: Mayor Jed Patrick Mabilog, matambung sa seminar sa trapiko matapos nagdesisyon nga mangin traffic czar

By: Aine Grace Bravo

Mapadulong sa Vietnam si Mayor Jed Patrick Mabilog agud magpartisipar sa seminar may kaangtanan sa trapiko.

Suno kay Councilor Plaridel Nava, luyag sang alkalde nga may ihibalo sang mga latest developments sa trapiko paagi sa seminar nga gin-sponsor sang Citynet halin Hulyo 7 tubtub Hulyo 10.       Nagalaum si Nava nga may makuha nga ideya si Mabilog sa seminar nga madala kag ma-implementar sini sa syudad.

Sa pihak sini, suportado ni Nava ang tikang sang alkalde nga mangin traffic czar bangud para man sa kaayuhan sang syudad kon mangin madinalag-on ini sa pagdumala sang trapiko. Ginpahayag nga sa pagbalik sang alkalde sa masunod nga semana, ginpasalig sini nga pangunahan kag i-implementar ang mga traffic programs sang syudad.