By: Jocelyn Gelloagan-Maque

Tunga lang sang Productivity Enhancement Incentive (PEI) ang batunon subong sang mga empleyado sang provincial government.

Ini ang nahisugtan matapos ginkonsulta ni Governor Arthur Defensor ang mga empleyado sa flag raising ceremony kahapon.

Tuyo sini suno kay Defensor nga indi man masubuan ang mga empleyado sa pag-abot sang Disyembre bangud may kuhaon pa sila nga PEI.

Nasaaad sa Executive Order No. 181 nga katumbas sang isa ka bulan nga sweldo sang mga empleyado ukon official sang gobierno ang batunon nga PEI.

Gin-athag sang gobernador nga ang ginbatun sang rank and file employees nga P35,000 sang nagligad nga tuig, ang indi na mabaton sa subong bangud sang bag-o nga sistema nga ginpatuman sang national government magluwas gid lang sa department heads kag public officials nga nagabaton sang dako nga sweldo.

Leave a Reply