By: Jocelyn Gelloagan-Maque

Ginpatay ang tag-iya sang JD calibration sa Barangay Tagbak, Jjaro kag ang isa pa ka bangkay nga nakita sa crime scene antes nasunog ang shop kagab-i.

Pahayag ini ni Chief Inspector Hilarion Roga, team leader sang Scene of the Crime Operatives (SOCO) nga nagpangusisa sa lugar.

Suno kay Roga, may pilas sa puwak si Jose Daliva kag may kutsilyo man sa dughan sang bangkay sang babaye.

Sa pagtan-aw ni Roga, una nga ginpatay si Daliva kag ginsunod ang babaye.

Ginkonfirmar ni Roga nga sirado ang gate sang shop gani daku ang posibilidad nga patay na ang mga biktima antes ginsunog ang shop.

Nagamit suno kay Roga ang taga-Bureau of Fire Protection sang bolt cutter agud mabuksan ang gate bangud nakakandado sa guwa.

Leave a Reply