Molo, Iloilo City: (UPDATE) Illegal nga druga, ginasunod nga anggulo sa pagtiro patay sa isa ka lalaki

By: Aine Grace Bravo

Nakilala na ang lalaki nga gintiro-patay sa Crossing Maling, Barangay Boulevard, Molo sang weekend.

Ginkilala ang biktima kay Leonard Bryan Consing sang Baldoza, Lapaz. Ginpahayag nga nagapungko ang biktima sa waiting shed sang may nabatian nga sunod-sunod nga lupok sang pusil. May igo ang biktima sa wala nga siko, sag-ang, tiyan kag tuo nga abaga resulta sang iya kamatayon.

Base sa nakuha nga CCTV footage sa lugar, gintiro si Consing sang suspek nga nakasakay sang HONDA CRV. Gina-angut sang kapulisan sa illegal nga druga ang pagpatay sa biktima.