By: Jocelyn Gelloagan-Maque

Indi delikado ang Improvised Explosive Device (IED) nga nakit-an kaina sang aga sa comfort room sang Pavia Covered Gym.

Ini matapos ginkadtu-an sang mga miembro sang Explosive and Ordnance Division (EOD) sang Iloilo Police Provincial Office (IPPO).

Suno kay Senior Inspector Dante Dumaguing, hepe sang Pavia PNP, nakuha sang EOD ang cellphone nga naputos sa aluminum foil kag may electrical wiring kag sng ginbungkag, kulang ang contents agud maglupok.

Wala ginadula ni Dumaguing ang anggulo nga mahimo may kaakig sa empleyado sang Pavia Municipal Government ang nagbutang sang IED.

Ginpabutyag naman ni Pavia Mayor Michael Gorriceta nga yara lang sa palibot ang nagbutang sang IED.

Ang suspect suno sa iya ang nakahibalo sang number sang empleyado nga ginpadal-an sang mensahe.

Bangud sa nakit-an nga IED, temporaryo nga ginpa-untat ang transaksyon sa munisipyo kag ginkanselar ang regular session sang Sangguniang Bayan kaina.

Leave a Reply