By: Aine Grace Bravo

Dakup sa buybust operation sang Cabatuan police ang ginapatihan drug pusher. Nabaklan sang 500 pesos nga balor sang suspected shabu si Mark Anthony Kioyu, 35-anyos sang Brgy. Banguit kag nakuhaan sang tatlo ka sachets sang suspected shabu kag mga drug paraphernalia.

May natukiban man nga tanum nga marijuana sa kilid sang ila balay si Kioyu. Suno kay Sr/Insp. Engelbert Banquillo, hepe sang Cabatuan PNP, modus ni Kioyu ang magpaaman sang marijuana sa mga parokyano nga nagabakal sa iya sang suspected shabu.

Nadakpan si Kioyu sa kooperasyon sang mga pumuluyo sa barangay. Gin-ako ni Banquillo nga wala nalakip sa ila watchlist si Kioyu kag nagtuhaw lang ang pangalan sini sa symposium sang nagligad nga bulan.

Leave a Reply