By: Aine Grace Bravo

Paghangkat sa igkasangkol sang Lapaz police ang pagsolbar sa kaso nga pagpatay sa 35-anyos nga trisikad driver sa Jereos, Lapaz.

Gin-ako ni Sr/Insp. Edgar Anonoy sang Lapaz PNP nga nabudlayan sila sa pagsolbar sa kaso bangud wala gid sang may naguwa nga testigo agud makuhaan sang impormasyon sa pagpa-arak luthang kay Agustin Silvella sang Sinikway, Lapuz. Apang ginapadalman suno sa iya sang kapulisan ang kaso kag ginahatagan sang atensyon ang mga anggulo sa krimen.

Gina-usisa subong sang Lapaz police ang background sang biktima sa diin natukiban sa police blotter nga nadalahig ini sa stabbing incident sa kapareho man nga trisikad driver sang Disyembre sang nagligad nga tuig. Ginpahayag ni Anonoy nga ginatutukan man nila ang reklamo ni Barangay Kagawad Jing Espinosa sa biktima nga nagsipa sa iya ido pila ka semana na ang nakaligad.

Leave a Reply