By: Aine Grace Bravo

Nagapabilin nga at-large ang mga suspetado nga nagtiro-patay sa trisikad driver nga si Agustin Silvella, 35-anyos sang Block 5, Sinikway, Lapuz kagab-i.

Nagahulat sang pasahero si Silvella sa Jereos Extension sang ginpalapitan sang mga suspetsado nga nakasakay sa motorsiklo kag ginpa-arakan luthang. Gindala pa sa ospital ang biktima apang wala na natabangan bangud sang pilas sa ulo kag dughan.

Naka-recover ang kapulisan sa crime scene sang madamo nga empty shells kag slug sang 9mm pistol. Suno sa isa mga testigo, gin-finishing pa sang mga suspetsado ang biktima bisan pa nga nagahuray-ad na sa karsada.

Leave a Reply