By: Jocelyn Gelloagan-Maque

Wala nabayaran nga utang ang ginalantaw nga anggulo sa pagtiro patay sa mekaniko sa Barangay Tanghauan, Dingle.

Ginkilala ni Inspector Ramon Coriana sang Dingle PNP ang biktima nga si Ronie Pineda, Jr. tumandok sang Batuan, Pototan kag temporaryo nga naga-istar sa Barangay Tanghauan.

Nagasakay sa tricyle ang biktima halin sa Pototan padulong sa Dingle kaina sang aga sang gintiro sa likod sang suspetsado.

Gindala pa ang biktima sa Iloilo Provincial Hospital sa Pototan apang gindeklarar nga napatay.

Posible suno kay Coriana nga gintiro ang biktima bangud wala ini nakabayad sang utang nga P7,000 sa suspect.

Ginpahayag nga sang damlag lang, ginbungguan man sang suspect ang salakyan ni Pineda kag gintayaan ini sang pusil.

Leave a Reply