Iloilo City: Traffic Aide Roy Mendoza, nag-ako nga nagmato-mato kakas sang wheel clamp sa salakyan nga naglapas sang Clamping Ordinance

By: Aine Grace Bravo

Ginmatu-matuhan kakas ni Traffic Aide Roy Mendoza ang wheel clamp sa salakyan ni JV Urbano nga naglapas sa Clamping Ordinance sang nagligad nga Biernes.

Suno kay Mendoza, wala sang naghatag sa iya sang instruction nga kakason ang wheel clamp sa salakyan ni Urbano bisan wala ini sang ginpakita nga official receipt halin sa City Treasurer’s Office nga pamatuod nga nakabayad ini sang multa. Nakahibalo man suno sa iya si TMTRO OIC Donna Acap sa iya ginhimo kag wala man ini nakahambal nga may salabton siya sa ginhimo.

Handa naman si Mendoza nga atubangon ang anuman nga aksyon batuk sa iya kon may magreklamo nga may ginlapas siya nga probisyon sang ordinansa.