By: Jocelyn Gelloagan-Maque
Nakaguwa na sa ospital ang apat sa 6 ka mga ginpahayag nahilo nga estudyante sang Ungka 2 Elementary School sa Pavia matapos nagkaon sang dulse.
Ginpasugtan nga makapauli sanday alyas Yucon, Abedel, Angelica (11-anyos) kag alyas Claire (12-anyos) samtang padayon naman nga gina-obserbaran sa Western Visayas Medical Center sanday alyas Ana (12-anyos) kag alyas Astrid (16-anyos).
Nagreklamo ang mga estudyante sang paglingin sang ulo, pagpalanuka kag pagsakit sang tiyan matapos nagkaon sang kraze nut candy nga ginbakal sa ila classmate nga si alyas Irish.
Ginpahayag nga ang ginabaligya nga dulse ni alyas Irish ang ginbakal sang iya iya tiya sa CPT grocery store sa City Proper.