Pavia: (UPDATE) Naaresto nga Ex-Army Captain nga ginatudlo Lider sang Notoryos nga Balani Robbery Group, Nakapiyansa na!

By: Jocelyn Gelloagan-Maque

Nakapiyansa ang ex-Army Captain kag ginatudlo lider sang notoryos nga Balani Robbery Group nga si Dexter Balani matapos nadakpan sang lunes sang hapon sa Aganan Pavia.

Ginkakibot ni Chief Inspector Dante Dumaguing, hepe sang pavia PNP, sang ginpirmahan ni Judge Rene Hortillo sang Dumangas Regional Trial Court (RTC) ang release order kay Balani matapos nakapiyansa sang P180,000.

Si Balani ang tumandok sang San Isidro, Tagbilaran City, Bohol apang may ginarentahan nga balay sa Pavia sa diin siya na-aresto kag nagatrabaho sa telecommunications company.

Ang grupo ni Balani ang ginatudlo nga utok sang mga pagpangholdap sa Mindanao kag Manila.

Gina-verify na sang Pavia Police upod sa CIDG 6 kon may kaupod si Balani sa Iloilo.