By: Aine Grace Bravo

Ipa-drugtest sang mga pulis ang duha ka gin-alegar drug pusher nga nadakpan sa operasyon sa Brgy. Aganan, Pavia kahapon.

Nakumpiskar kanday Maomar Bueron, 40-anyos sang Poblacion, Cabatuan kag Wilmer Caro, 40-anyos sang Tabucan, Cabatuan ang lima ka kilo sang laya nga dahon sang marijuana nga nagsulod sa itom nga knapsack. Suno kay PAIDSOT team leader Inspector John Ryan Doceo, ila nasundan sanday Caro kag Bueron halin sa Cabatuan nga magadeliver sang illegal drugs sa Aganan.

Ginapatihan ni Doceo nga naghalin ang marijuana sa marijuana plantation sa Cabatuan. Gin-alegar man ni Doceo nga nagadeliver sang illegal nga druga sa Boracay Island ang duha ka nadakpan.

Leave a Reply