Molo, Iloilo City- Kalbaryo sang pamilya! Ini ang paglaragway sang iloy nga si Mary Sucayan sang Zone 4 San Juan, Molo sa 25-anyos nga anak nga ginpapreso matapos siya ginpahog nga patyon kag nakuhaan pa sang granada.
Suno sa iloy, adik sa illegal nga druga si John Mark kag mapintas. Masami man siya sini ginakastigo kag nakaagi nga ginpitkan siya sang pusil pero wala naglupok. Bisan ang mga manghod sini ang wala nakaluwas sa kapintas ni John Mark.
Aminado si Mary nga magluwas sa paggamit sang illegal drugs, nakaagi man nga nagbaligya sang shabu ang iya anak. Napreso man ini sadto bangud sang pagpangbuno. Desidido si Mary nga pasakaan sang kaso ang anak agud indi na makagguwa sa prisuhan. (Aine Grace Bravo)