Iloilo–Ginhatagan ni Governor Arthur Defensor sang 8 nga grado sa scale nga 1-10 sa diin 10 ang pinakamataas ang katapusan nga State of the Nation Address (SONA) ni Presidente Benigno S. Aquino III.

Suno kay gobernador, nagkulang lang si P-Noy sa pagsolbar sa problema sa MRT kag problema sa Mindanao ilabe na sa isyu sang rebelyon kag peace and order. Magakinahanglan suno sa iya sang ensakto nga advice ang pangulo kon paano uyatan kag masolbar ang mga problema sa Mindanao.

Gindayaw naman ni Defensor ang madinalag-on nga kampanya sang presidente kontra sa graft and corruption. Gintumod sini ang kasinsero kag kaisog ni P-Noy nga matapna ang korapsyon sa iya administrasyon.

Nagalaum ini nga mapadayon sang masunod nga pangulo ang mga maayo nga naumpisahan ni Presidente Aquino. (Aine Grace Bravo)

Leave a Reply