Lambunao, Iloilo–Wala nakaluwas ang duha ka lalaki matapos nakabunggo ang ila ginasakyan nga motorsiklo sa CBL bus sa Barangay Magbato, Lambunao kahapon sang hapon.

Gindeklarar nga dead-on-arrival sa Lambunao District Hospital sanday  Romy Lentija sang Barangay Tiringanan, Janiuay kag Jude Actiba, 34-anyos sang Barangay Pangilihan, Janiuay. Suno kay Inspector Felix Alianza, hepe sang Lambunao PNP, naglapaw sa lane ang motorsiklo sang mga biktima gani nakabunggo sa nasugata nga bus.

Nag-surrender sa police ang driver sang bus nga si Felomino Callera sang Barangay Bagongbong, Dueñas. (Aine Grace Bravo)

Leave a Reply