Iloilo City–Ginmandu ni Mayor Jed Patrick Mabilog nga indi na pagpatambungon sa fact-finding investigation sang city council may kaangtanan sa isyu sang traffic lights sa syudad ang mga department heads.

Suno kay Councilor Plaridel Nava, nagdesisyun ang alkalde nga indi na magpadala sang mga department heads sa masunod nga hearing sang Committee on Good Government, Rules kag Transportation sang konseho. Sa baylo, gintugyan sini sa Commission on Audit ang pagdeterminar kon may anomaliya gid man sa pagbakal sang mga traffic lights kag indi na magpahilabot ang city council.

Apang duda si Nava kon ma-imbestigaran sang maayo sang COA ang isyu. Suno sa iya, may mga anomaliya sadtu nga napabay-an sang komisyon tubtub nga nalipatan na. Indi na problema sang joint committee sa ulihi kon padayon nga magpakatig-a kag indi magpaathag sa isyu sang traffic lights ang city government. (Aine Grace Bravo)

Leave a Reply