By: Jocelyn Gelloagan-Maque

Isa patay kag isa ang pilason sa pagbunggu-anay sang duha ka motorsiklo sa Barangay Cruz, Barotac Nuevo kaina sang aga.

May pilas sa ulo ang biktima nga si Jerol Lete, 21-anyos sang Tuburan, Barotac Nuevo kag patay na sang nag-abot sa Barotac Nuevo District Hospital samtang napilasan naman ang iya back rider nga si Zena Delio, 20-anyos sang amo man nga barangay.

Nag-surrender naman ang driver sang isa pa ka motorsiklo nga si Remel Broncillo, 29-anyos sang Igang Pototan.

Ginpahayag nga na-alang alang sa pag-overtake si Broncillo sa trisikad kabangdanan nga nabungguan ang motorsiklo nga ginasakyan sang mga biktima.

Leave a Reply