Bugasong, Antique–Gin-ako sang 18-anyos nga Grade 7 student nga siya ang naglabu patay sa 50-anyos nga high school teacher sa Barangay Igbalangaw, Bugasong sang Sabado sang gab-i.

Suno kay Jimbo Arsaga, 18-anyos kag gin-alegar scholar sang maestro nga si Edencio Alabado sang Barbaza, Antique, nahimo niya ang krimen bangud sa ginpahayag kabastusan sang biktima sa iya. Ginpahayag ni Arsaga nga nagpasugot siya nga pa-eskwelahon ni Alabado apang wala siya nakahibalo nga molestyahan siya sang biktima.

Sa alegasyon sang suspect, wala nagpasugot ang maestro sang nagpamilit siya nga magpauli pagkatapos sila nga nag-inom inom sa gina-istaran sang ulihi nga boarding house sa Barangay Igbalangaw. Ginkandaduhan pa suno sa iya sang maestro ang kuwarto agud indi siya makapalagyo kabangdanan na-akig siya tubtub nga ginlabu sang makapila ka beses ang biktima.

Gin-ako ni Arsaga nga may natabu pa sa ila sang maestro antes niya ini ginpatay.

Leave a Reply