By: Jocelyn Gelloagan-Maque
Agaway sa duta ang motibo sa pagtiro patay sa mangunguma sa Barangay Malitbog Centro, Calinog kaina sang kaagahon.
Ginkilala ang napatay kay Rolando Amigable, 64-anyos sang Malitbog, Bingawan samtang ginatudlo nga suspect amo si Gil Casalmer, 52-anyos sang nasambit nga barangay.
Ginpahayag ni Chief Inspector Rogelio Ortigas sang Calinog PNP nga ginbantayan sang suspect ang biktima padulong sa uma kag gintiro sa dughan.
Gindala pa sa Calinog District Hospital ang biktima nga si Amigable apang napatay.
Gingamit sa pagtiro sa biktima ang single-shot homemade 45 caliber pistol.
Madugay na suno kay Ortigas ang hiligut-anon sang biktima kag suspect natuhoy sa ginaba-isan nga border sang duta.