domestic violence

By: Jocelyn Gelloagan-Maque

Napatay sa Western Visayas Medical Center ang 29-anyos nga misis sang ginpahayag ginmartilyo sa ulo sang iya 34-anyos nga bana sa Barangay Bancal, Carles kaina sang kaagahon.

Suno kay Diana nga utod sang suspek nga si Anel, isa ka mangingisda, ginpukaw sila sang ila tiyo kag ginpabalo sa natabu.

Wala pa ang mga ini ginpasulod sang suspek kag wala man sang ideya ang mga tawo sa guwa sang balay kon ano ang nagakatabu sa sulod bangud ginbuka ni Anel ang suga.

Apang sang nakatiempo kag nasulod ang balay, nakita nga lipong si alyas Leslie.

Ginpahayag nga may pilas kag mga lagub sa ulo ang biktima.

Ginpabutyag sang Carles police nga basi sa ila pagpangusisa, nagagamit sang illegal drugs ang suspek nga preso na sa karsel sang Carles PNP.

 

Leave a Reply