Banate, Iloilo–Gintiro ang 29-anyos nga lalaki nga nagpakig-eyeball sa iya textmate kagab-i.
Ginkilala ang biktima kay Norberto Catedrilla sang Barangay Dela Peña, Barotac Viejo nga napilasan sa likod. Gin-pistol whip man sang mga suspek ang kaupod ni Catedrilla nga si Rodolfo Orbasibo, 29-anyos.
Nagkitaay si Catedrilla kag iya textmate sa Banate Wharf kag pauli na sakay sa motorsiklo kaupod si Orbasibo sang ginbanggaan sila sang duha ka suspetsado kag ginkastigo antes gintiro si Catedrilla kag gin-pistol whip si Orbasibo. (Aine Grace Bravo)