Antique: Landslide, na-record sa San Remigio!

Jocelyn Gelloagan-Maque

Maagyan na ang dalan sa Sitio Igbolo, Barangay Maragubdob sa San Remigio, Antique matapos natiphagan sang duta tuga sang mabaskog nga ulan halin kagab-i.

Ginpahayag ni San Remigio Mayor Glen Cabigonda, magluwas sa nasambit nga barangay, may landslide man sa Iloilo-Antique-Leon road nga tubtub subong indi na maagyan.

Apang ginatinguhaan suno sa iya sang Municipal Disaster Risk Reduction and Management Council (MDRRMC) mga mahawanan ang lugar.

Kanselado suno kay Cabigonda ang klase sa San Remigio kaina kag ginsuspender man ang trabaho sa munisipyo bangud sang wala-untat nga ulan.

Ginpanugyanan naman sang alkalde ang mga pumuluyo nga naga-istar malapit sa suba nga magmato-matu sa pagsaylo sa mataas nga lugar kag indi na paghulaton nga magtaas ang tubig antes mag-evacuate agud makalikaw sa disgrasya.